2024 оны 01 дүгээр сарын 09-ний өдөр тус ажлын хэсэг гүйцэтгэгч компани, аймгийн удирдлагууд, судлаачидтай хуралдаж цогцолборын үзэл баримтлал, үзүүллэг дэглэлт, интерьер дизайн, дотоод зохион байгуулалт ямар байх талаар санал солилцлоо.

Уулзалтаар аймгийн иргэдээс үнэ цэнэжүүлэлтийн судалгаа авах, үзмэр цуглуулгын бодлого тодорхойлох, Музейн өнөөгийн байдал, үзмэрийн хадгалалт хамгаалалтын талаар судалгааг хийх, хэрэглэгчийн судалгааны үр дүнг нэгтгэх зэрэг ажлуудыг үе шаттай хийх төлөвлөгөөг танилцуулсан юм.

Мөн шинэ музейн үзэл баримтлалыг боловсруулахтай холбогдуулан температур, чийгшил хэмжих багажийг Музейн орчинд суурилуулж дотоод орчны судалгаа шинжилгээг хийж одоогийн нөхцөл байдал болон шинэ Музейн шилэн хорго, гэрэл гэрэлтүүлэг ямар байхыг тодорхойлох ажлыг эхлүүллээ.