Аймгийн хэмжээнд 2023 онд нийт 2615 боть номоор сан хөмрөгөө баяжуулсан - Дархан-Уул аймгийн Соёл, урлаг, аялал жуулчлал, залуучуудын газар

Номын сангийн сан хөмрөг, номын сангаар үйлчлүүлсэн уншигчийн тоог нэмэгдүүлэх ажлын хүрээнд аймгийн хэмжээнд нийтийн номын сангууд худалдаагаар 1070 нэр төрлийн 1942 боть ном, хандиваар 673 боть буюу нийт 2615 боть номоор сан хөмрөгөө баяжуулсан байна. Тухайлбал:

Төв номын сан худалдаагаар 17,404,660 төгрөгийн 450 нэр төрлийн 734 боть, хандиваар 7,099,820 төгрөгийн 421 нэр төрлийн 436 боть номоор,
Хүүхдийн номын ордон 16 удаагийн худалдан авалтаар 19,115,422 төгрөгийн 344 нэрийн 932 боть номоор,
Шарын гол сум орон нутгийн төсвийн 3.0 сая төгрөгийн санхүүжилтээр 276 боть ном, хандиваар өгсөн 128 боть номоор,
Орхон сумын соёлын төв хандиваар өгсөн 96 боть номоор,
Хонгор сумын соёлын төв хандиваар өгсөн 13 боть номоор тус тус сан хөмрөгөө баяжуулсан.

Хавар, намрын номын баяр, Дэлхийн хүүхдийн номын өдөр зэрэг номын нэгдсэн үйл ажиллагааны хүрээнд 199 арга хэмжээг зохион байгуулж 33435 хүнийг хамруулж, цахимаар 10744 хүнд үйлчилгээг хүргэсэн байна.

Улсын стандарт төлөвлөгөөнд 3800 байнгын уншигчтай байна гэж тусгасан байдгаас аймгийн Төв номын сан нь 2022 онд 5102 уншигч, 2023 онд 5235 уншигчдад үйлчилж байнгын уншигчдын тоогоо нэмэгдүүлсэн. Номын сангаар үйлчлүүлсэн уншигчийн тоог өмнөх оноос 2,6 хувиар нэмэгдүүлсэн байна.

Холбоотой Мэдээлэл