Өнөөдөр /2024.12.03/ амралт сувиллын газар, зочид буудал, дэн буудлын үйл ажиллагаа эрхлэгчдийн төлөөлөлтэй уулзалт хийлээ. Уулзалтад аймгийн Стандарт хэмжилзүйн хэлтэс, Хүнс, хөдөө, аж ахуйн газар, Эрүүл мэндийн газрын салбарын хяналтын улсын байцаагч нар, Дархан, Хонгор сумдын холбогдох мэргэжилтнүүд оролцож аялал жуулчлалыг хөгжүүлэхэд голлох үүрэг гүйцэтгэх эдгээр газруудад тавигдаж буй ерөнхий шаардлага стандарт, эрх зүйн орчин, хийгдсэн хяналт шалгалт, цаашид анхаарах асуудлуудаар холбогдох мэдээллүүдийг өглөө.

Дашрамд мэдээлэхэд: Тус аймагт 2024 оны хагас жилийн байдлаар нийт 1050 ор бүхий 39 зочид буудал, 1391 ор бүхий 18 амралтын газар, 140 ор бүхий 2 сувиллын газар, 300 хүүхэд хүлээн авах чадалтай 1 хүүхдийн зуслан үйл ажиллагаагаа явуулж байна.

2024 оны III улирлын байдлаар зочлох үйлчилгээний 55 байгууллагаар гадаадын 4663, дотоодын 160330 буюу нийт 164993 жуулчин үйлчлүүлж, 9 эвент арга хэмжээнд оролцсон байна.

Сүүлийн жилүүдэд аялал жуулчлалыг дэмжсэн эвент арга хэмжээнүүдийг зохион байгуулснаар зочлох үйлчилгээний салбарыг эдийн засгийн эргэлтэд оруулах, олон улсад өрсөлдөх чадварыг дээшлүүлэх, дотоодын аялал жуулчлалыг дэмжихэд чухал ач холбогдолтой.