Аяны үйл ажиллагааг Хонгор сумын ИТХ-ын дарга Н.Ганбаатар нээж, “Соёлын сэргэлт-2023” аяны мэдээллийг аймгийн Соёл, урлагийн газрын дарга Х.Соёл-Эрдэнэ танилцууллаа. Үргэлжлүүлэн МҮКУЗ-ийн гишүүн Б.Пүрэвдорж “Кино урлагаар үндэсний соёлын дархлааг сэргээх нь” лекцийг сонсгосон юм.

Нээлтийн үеэр МУКУЗ-өөс Хонгор сумын Соёлын төвд тоног төхөөрөмжийн дэмжлэг үзүүллээ.

Мөн Хонгор сумын хүүхэд багачуудад зориулан Ами Тамигийн Дархан хотод аялсан “Хөгжилтэй аялал” хүүхэлдэйн кино, “Зүрхэнд гэрэлтэнэ” Хүүхдийн уран сайхны кино, “Дасгалжуулагч” уран сайхны киногоор үйлчилж байна.

Аймгийн Музей “Баярын малгай” боловсролын хөтөлбөр, аймгийн Төв номын сангаас Дархан хотод бүтээгдсэн монгол кино урлагийн фото зургийн үзэсгэлэн, киноны шинжлэх ухааны 31 нэр төрлийн 40 боть номоор үзэсгэлэн, зохиогч Ж.Буд-Эрдэнийн “Тэнгэрийн заадас” номын үзэсгэлэн тус тус гаргаж Монгол киноны асуулт хариултын мэдлэг олгох үйл ажиллагааг явуулж байна.