1
1
9
Дархан-Уул аймгийн Засаг даргын нэрэмжит оны шилдэг шүлэг шалгаруулах уламжлалт “Гал өд” яруу найргийн наадам өнөөдөр /2023.10.14/ Залуучууд театрт зохиолч, яруу найрагч, шүлэг найраг сонирхогчдын дунд зохион байгуулагдлаа.
Яруу найргийн наадамд 18 хүн шүлэг яруу найргаар оролцож 220 гаруй үзэгч үзэж сонирхлоо.
Наадмыг МУСТА, МЗЭ-ийн гишүүн, шог зохиолч, шог зураач Д.Мянганзам хөтлөн явуулж, шүүгчээр МУСГЗ, зохиолч, сэтгүүлч Б.Норовсамбуу, МУСГЗ Н.Хунлууз, МУСТА, яруу найрагч Ц.Цэнд нар ажиллалаа.
“Гал өд” яруу найргийн наадмын дүрмээр 1 дүгээр шатанд оролцсон 18 хүнээс 2 дугаар шатанд 8 яруу найрагч, 3 дугаар шатанд 5 яруу найрагч тус тус шалгарч 5 байр эзлүүлэн өргөмжлөл, мөнгөн шагналаар шагналаа. Үүнд:Тэргүүн байр- Т.Банзрагч “Буй болно”
Дэд байр- Б.Хатанзаяа “Эрх чөлөөний далавч”
Гутгаар байр- Д.Энх-Октябрь “Ханьдаа”
Тусгай байр-Ч.Энхтуяа “Бүсгүй заяа”
Тусгай байр-Д.Баярмаа “Аав минь”
Тус наадмын үеэр аймгийн Хүүхдийн номын ордноос хөгжөөн дэмжигч, үзэгчдийн дунд азтан шалгаруулж “Гал өд” номын 3 дугаар боть номыг 27 хүнд, Номын багцыг 3 хүнд тус тус гардуулсан юм.
