“Соёлын бүтээлч сар” аяны хүрээнд Дархан-Уул аймгийн Mongol II Agency-аас 4 дэх жилдээ зохион байгуулж буй “SUPER FASHION-2023” оны шилдэг, шинэ залуу модел, шилдэг фото моделийг шалгаруулах улсын уралдааныг амжилттай зохион байгууллаа.

Нээлтэд Дархан сумын Засаг даргын орлогч П.Ихбаяр, Дархан сумын Засаг даргын Тамгын газрын дарга Б.Батзул, Аймгийн Соёл, урлагийн газрын дарга Х.Соёл-Эрдэнэ, Монгол 2 загварын агентлагийн захирал, Төвийн бүсийн аймгуудын загвар урлагийн холбооны тэргүүлэгч, МУСТА Б.Золзаяа, Төвийн бүсийн аймгуудын загвар урлагийн холбооны тэргүүн МУСТА Одонтуяа нар үг хэлж Sway dance academy -ийн бүжигчид мэндчилгээ дэвшүүллээ.

Ерөнхий шүүгчээр “Miss Universe Mongolia 2023″ уралдааны үндэсний ялагч, Эль-Сальвэдор улсад 72 дахь удаагаа зохион байгуулагдах “Ертөнцийн мисс” тэмцээнд эх орноо төлөөлөн оролцох Номинзул загвар өмсөгч ажиллалаа.