1
1
9
Соёлын салбарын хөгжлийн бодлогын баримт бичиг, хууль тогтоомж, тогтоол шийдвэрийн хэрэгжилтэд хяналт-шинжилгээ, үнэлгээ хийх болон салбарын бүх шатны байгууллагын үйл ажиллагааг үнэлж дүгнэх, гүйцэтгэлийн тайлан илгээх хүлээн авах мэдээллийг удирдах хянах, хадгалах, ашиглах мэдлэг чадвар болон “Салбарын хяналт-шинжилгээ, үнэлгээний мэдээллийн цахим сан”-гийн хэрэглээг нэмэгдүүлэх, Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ын шинэчилсэн төсөлтэй танилцах үр дүнг хэрэгжүүлэх зэрэг сэдвийн хүрээнд сургалт явагдлаа.
Соёлын бүтээлч сарын хүрээнд зохион байгуулагдаж буй тус сургалтыг салбарын хэмжээний төсөв санхүүгийн үйл ажиллагаанд эрсдэлд суурилсан дотоод хяналтыг хэрэгжүүлэх замаар төсвийн хөрөнгийн зарцуулалтыг сайжруулах, үр дүнг нэмэгдүүлэх, Шилэн дансны тухай хууль, Нийтийн мэдээллийн ил тод байдлын тухай хуулийн хэрэгжилтийг хангуулж иргэний мэдээлэл авах нөхцөл бололцоог бий болгох зорилготой юм. Сургалтад Соёлын яам болон харьяа байгууллага, орон нутаг, нийслэлийн Соёл, урлагийн газрууд, орон нутгийн Засаг даргын тамгын газар, соёлын салбарын бүх шатны байгууллага (музей, театр, номын сан, соёлын төв)-ын дарга, захирал, нягтлан бодогч, хяналт-шинжилгээ, тайлан төлөвлөгөө хариуцсан албан хаагч нийт 1000 /танхим 150, цахим 850/ албан хаагч хамрагдлаа. Сургалтыг Сангийн яам, Төрийн албаны зөвлөл, Үндэсний аудиторын газартай хамтран зохион байгууллаа.
Соёлын бүтээлч сарын нэгдсэн хөтөлбөр, бүтээгдэхүүн, үйлчилгээний хуудаснаас дэлгэрэнгүй мэдээлэл авна уу.
