Соёлын бүтээлч сарын аяны хүрээнд “Монголын цуур хөгжмийн уламжлалт урлаг” нь Монголын язгуур урлагийн төрлөөс хамгийн эрт үед хамаарах бөгөөд язгуур урлаг, байгаль, сав шим, ертөнцийг үзэх үзэл, хүн байгалийн харилцан шүтэлцээнийг агуулсан хөгжим юм.

Цуурын аяз, аялгуу нь уул усны чимээ байгалийн гоо үзэсгэлэнг, ан амьтны ааш зан, дүр байдлыг, агт морь атан тэмээний алхаа гишгээг, хүн төрөлхтний дотоод сэтгэл, гадаад дүр төрх, шүтлэг болон ахуйн зан үйлийг тус тус илтгэсэн давтагдашгүй урлаг юм.

“Монголын цуур хөгжмийн уламжлалт урлаг”-ийг 2009 онд ЮНЕСКО-гийн “Яаралтай хамгаалах шаардлагатай соёлын биет бус өвийн жагсаалт”-д бүртгэсэн.