МЗЭ-ийн гишүүн, Утга зохиолын хүндэт шагналт, Монголын шог зураачдын “Шогч бийр” холбооны гишүүн, шог зураач, МУСТА Д.Мянганзамын “ЗУРАГДСАН ПЯНЗ” шинэ номын нээлт өнөөдөр /2023.12.13/-ны өдөр аймгийн Төв номын санд зохион байгуулагдлаа.

Нээлтэд аймгийн Соёл, урлагийн газрын дарга, Төв номын сангийн удирдлага оролцсон бөгөөд уран бүтээлч Д.Мянганзамын гэр бүл, найз нөхөд, номын нөхөд, шавь нар өргөнөөр хүрэлцэн ирлээ.

Нээлтийн үеэр шог зураачийн орос машины моделийн цуглуулга болох “Мини үзэсгэлэн”, нийгэм аж байдлыг шог зургаар илэрхийлсэн 30 гаруй шог зураг дэлгэгдсэн.

Тус шинэ номын үзэсгэлэн нь энэ долоо хоногийг дуустал Төв номын санд үргэлжлэх тул эрхэм Дарханчууд та бүхнийг хүрэлцэн ирэхийг урьж байна.