Театрын уран бүтээлийн үйл ажиллагааг мэргэжлийн өндөр түвшинд тасралтгүй хөгжүүлэх шаардлагад нийцүүлэн уран бүтээлчдийн ур чадварын бодит түвшнийг тогтоож, уран бүтээлийн чанарт үнэлэлт, дүгнэлт өгч, ажлын үр дүн, бүтээмжийг дээшлүүлэх улмаар сургалтын хэрэгцээг тодорхойлох ажлын хүрээнд тус уралдааныг зохион байгуулж буй юм.

Мэргэжлийн ур чадварын уралдааны шүүгчээр:

Монгол Улсын Консерваторын бүжиг циркийн мэргэжлийн сургуулийн захирал, МУУГЗ, дэд профессор Н.Оюун,

Монгол Улсын Консерваторын уран бүтээл маркетингийн албаны дарга СТА,БТА, М.Мөнхсайхан,

Монгол Улсын Консерваторын хөгжмийн ухааны дуулаачийн сургуулийн дуулаачийн тэнхимийн эрхлэгч, МУГЖ дэд профессор Х.Үнэнхүү,

МУУГЗ, найруулагч, хөгжмийн зохиолч Г.Эрдэнэбаатар, хөндлөнгийн шүүгчээр Залуучууд театрын уран сайхны удирдагч СТА Г.Саранчимэг нар ажиллаж байна.

Тус уралдаанд Драм, Хөгжим, Дуу, Бүжиг ангийн нийт 46 уран бүтээлчид оролцож байна.

Энэхүү уран бүтээлчдийн мэргэжлийн ур чадварын уралдаан нь уран бүтээлийн үйл ажиллагааг мэргэжлийн өндөр түвшинд тасралтгүй хөгжүүлэх шаардлагад нийцүүлэн Монгол Улсын хууль тогтоомж, холбогдох дүрэм журмын хүрээнд уран бүтээлчдийн ур чадварын түвшинг тогтоож, уран бүтээлийн чанарт үнэлэлт, дүгнэлт өгөхөд өндөр ач холбогдолтой юм гэдгийг зохион байгуулагчдаас онцолж байна.