ЮНЕСКО, Соёлын яамны дэмжлэгтэйгээр СУИС-ийн Соёлын сургуулиас хэрэгжүүлж буй “Монгол бий биелгээг өвлүүлэн уламжлуулж, оршин тогтнох чадварыг бэхжүүлэх нь” төслийн хүрээнд Соёлын биет бус өв болон бий биелгээний талаарх мэдлэг ойлголтыг дээшлүүлэх сургалтыг соёлын салбарын ажилтнууд болон СББӨ-ийг өвлөн уламжлагчдыг хамруулан зохион байгууллаа.

Сургалтыг “Бий биелгээний соёл, орчин”, “Соёлын биет бус өвийн хэрэглээ” сэдвээр Соёл, Урлагийн Их Сургууль, Соёлын сургуулийн захирал, Соёл судлалын ухааны доктор, проффессор Ш.Эрдэнэцэцэг, Соёлын яамны харьяа Соёлын өвийн үндэсний төвийн Соёлын биет бус өвийн шинжээч Доктор проффессор М.Ганболд нар удирдан явуулсан юм.

Сургалтад Соёл байгууллагуудын албан хаагчид, Соёлын биет бус өвийг өвлөн уламжлагчид болон “Угсаатан Бий” төслийн биелгээний сургалтыг төгсөгчид зэрэг нийт 100 хүн хамрагдлаа.