Гуравдугаар сарын эхний долоо хоногт музейн нээлттэй өдрүүд болно - Дархан-Уул аймгийн Соёл, урлаг, аялал жуулчлал, залуучуудын газар

Соёлын сайдын тушаалаар жил бүрийн гуравдугаар сарын эхний долоо хоногт “Музейн нээлттэй өдрүүд”-ийг зохион байгуулдаг. Энэ жилийн “Музейн нээлттэй өдрүүд” ирэх долоо хоногт болох нь.

Музей бол аливаа улс орны түүх, соёлын үнэт үзмэрийг хадгалж хамгаалахын зэрэгцээ олон нийтэд үзүүлэх, түүх, соёлоо сурталчлах, танин мэдэхүйн ач холбогдол бүхий түүхийн судалгаа, аялал жуулчлалыг хөгжүүлэхэд үнэт эх сурвалж болох улс орныхоо нүүр царай болсон оюуны өргөө юм.

Монголчууд музейгээ үндэсний дээл хувцастайгаа үзвэл өв соёлоо танин мэдэх, хүндэтгэн дээдлэх гүн гүнзгий утга агуулгатай нийцэх төгс зохицол болох мэт.

Музейд монголчууд бидний өвөг дээдсийн энерги шингэсэн, эдэлж хэрэглэж явсан ховор нандин зүйлс хадгалагддаг. Тиймээс музей үзэхдээ зайлшгүй анхаарах зүйлс бий. Музей үзэхдээ баримтлах соёл:

Зориулалтын, зөвшөөрсөн газарт гэрэл зургаа авахуулах, селфи хийх
Гар утасныхаа дууг хаах эсвэл унтраах
Дүрс бичлэг хийхгүй байх
Гэрэл зураг авахгүй байх
Үзмэр болон шилэн хоргонд хүрэхгүй байх
Хана, багана налахгүй байх
Чанга ярьж бусдад саад болохгүй байх
Ус, ундаа болон хүнсний бүтээгдэхүүн авч орохгүй байх
Бохь зажлахгүй байх
Хамт олноосоо хоцрохгүй явах
Хүүхдээ музей дотор гүйлгэхгүй, хөтөлж явахыг зөвлөж байна.

# Урлагийн Байгууллага

# Соёл Урлагийн Газар

# Номын Сан

# Музей

# Бусад

Холбоотой Мэдээлэл