1
1
9
“Art education” хөтөлбөрийн хүрээнд Улаанбаатар хотоос Theatre Bee Mongolia-ын уран бүтээлчид ЕБС-ийн 11 дүгээр ангийн сургалтын агуулгад багтдаг Софокл “Эдип хаан” эмгэнэлт жүжгийг театрын урлагаар дамжуулан Дархан хотын ЕБС-ийн ахлах ангийн сурагчдад зориулан Дархан хотноо тоглолоо.
Жүжгийн эхэнд “Эртний Грекийн театрын тухай, Софоклын хийсэн шинэчлэлүүд” зэрэг сэдвээр Утга зохиол судлаач Р.Батхишиг сурагчдад мэдээлэл өглөө.
Жүжгийн дараа уран бүтээлчид Эдипийн тавиланг үзэж цэгнэн, зохиолын агуулга, жүжигчдийн ур чадвар, тайзны урлагийн талаар сурагчдын дунд сонирхолтой хэлэлцүүлэг, асуул хариулт өрнүүллээ.
“Эдип хаан” жүжгийн уран бүтээлчид:– Эдип хааны дүрд-Зөгий театрын найруулагч, Жүжгийн ерөнхий найруулагч, жүжигчин Б.Баттулга
– Иокаста хатны дүрд Зөгий театрын жүжигчин, бүжгийн багш П.Энхжаргал
– Креонт, Тиресий, Тахилчин, Хоньчин, Элчийн дүрд – Зөгий театрын жүжигчин П.Мөнхдэлгэр нар тус тус тоглолоо.
Theatre Bee Mongolia-ын уран бүтээлчиддээ цаашдын уран бүтээлд нь амжилт хүсье.
