Энэ дагуу Шинжлэх ухааны академийн Археологийн хүрээлэнгийн захирлын баталсан удирдамжаар Монгол-Солонгосын соёлын өвийн судалгаа, шинжилгээний ажлыг Дархан-Уул аймгийн Хонгор сумын 2 дугаар багийн нутаг дэвсгэрт орших Цагаан овоот уул гэх газарт Хүрэл зэвсгийн үеийн Шоргоолжин булш хиргэсүүр дээр малтлага судалгааны ажлыг энэ сарын 03-ны өдрөөс эхлүүлээд байна.

Малтлага судалгааны ажил 20-30 хувьтай явагдаж байгаа бөгөөд өнгөн хөрсний цэвэрлэгээний ажил явагдаж байна. Цэвэрлэгээний явцад /Бог малын ясны үүрмэг, Шатсан ясны толбо, Эмэгтэй хүний гоёл чимэглэл, Ваарны хэлтэрхий/ гарч ирсэн байна.

Малтлага судалгааны багийн ахлагчаар Археологийн хүрээлэнгийн ЭША С.Энхболд, МУБИС, МУИС-ийн 4 дүгээр курсийн дадлагын оюутнууд, БНСУ-ын Төвийн бүсийн Соёлын өвийн судалгааны хүрээлэнгийн мэргэжилтнүүд зэрэг нийт 25 хүний бүрэлдэхүүнтэй ажиллаж байна.